संदिप माने यांचा स्तुत्य उपक्रम
सोलापूर विधानपरिषदेचे माजी आमदार प्रशांत परिचारक यांच्या वाढदिवसानिमित्त भाजपा सोलापूर जिल्हा उपाध्यक्ष पै.संदिप माने यांच्यावतीने पंढरपूर शहरातील 42 कुटूंबांना घरावरील पन्हाळी पत्र्याचे वाटप करून सामाजिक उपक्रमाने त्यांचा वाढदिवस साजरा करण्यात आला. सदरचा कार्यक्रम टिळक स्मारक मंदिर येथे घेण्यात आला. यावेळी प्रत्येक कुटूंबाला 5 पत्रे देण्यात आले.
यावेळी प्रमुख उपस्थिती म्हणून मंदिर समितीचे सदस्य ज्ञानेश्वर महाराज जळगावकर (देशमुख), भाजप अनुसूचित जमाती जिल्हाध्यक्ष लक्ष्मणतात्या धनवडे, माजी नगराध्यक्ष लक्ष्मणराव शिरसट, भाजप सोलापूर जिल्हा संघटन सरचिटणीस शशिकांत चव्हाण, शहराध्यक्ष विक्रम शिरसट, जिल्हा सरचिटणीस बादलसिंह ठाकूर, किसान मोर्चा प्रदेश सचिव माऊली हळणवर, प्रा.सुभाष मस्के सर, शहर संघटक धिरज म्हमाणे, बाबा ग्रुपचे संस्थापक बाबा चव्हाण आदि मान्यवर उपस्थित होते.
यावेळी मा.आ.प्रशांत परिचारक म्हणाले की, समाजातील गरजू लोकांना ऊन,वारा, पाऊस यापासून संरक्षण व्हावे या हेतूने संदिप माने यांनी पंढरपूर शहर व तालुक्यातील नागरिकांसाठी मानवतेच्या दृष्टीकोनातून पन्हाळी पत्रे वाटप करून त्यांच्या घराचे संरक्षण होईल अशी काळजी घेतली आहे ही निश्चितच चांगली बाब आहे. ज्ञानेश्वर माऊलींनी पसायदानातून जो जे वांच्छिल तो ते लाहो याप्रमाणे आपण समाजाच्या मदतीला जाण्याविषयी सांगितले त्याचप्रमाणे आज संदिप माने यांनी कार्य केलेले आहे. निवडणूक ही केवळ एक दिवसाची असते उरलेले 364 दिवस हे समाजसेवेचे असतात हे लक्षात घेवून आपण भविष्यातही यापेक्षा आणखी मोठे कार्य कराल अशी अपेक्षा व्यक्त केली.
यावेळी ज्ञानेश्वर महाराज जळगावकर यांनी संदिप माने यांचा कार्याचा आढावा घेताना सामुदायिक विवाह सोहळा, कोरोना काळात 100 दिवस अन्नदान तसेच जनतेच्या प्रश्नासाठी शासन दरबारी विविध आंदोलने करून त्यांना न्याय मिळवून देण्याचा नेहमीच प्रयत्न करीत असल्याचे सांगत त्यांच्या वाटचालीस शुभेच्छा देवून त्यांच्या कार्याचे कौतुक केले.
सदर कार्यक्रम यशस्वी करण्यासाठी संतोष भैय्या अभंगराव, सुनिल अधटराव, मगरवाडीचे ग्रामपंचायत सदस्य किरण साळुंखे, आदित्य माने, पवन अधटराव, सचिन बाबा माने, पै.महेश आटकळे, अक्षय माने, चैतन्य अधटराव, दिपक होमकुंबरे, प्रशांत झेंडे, राहुल तावसकर, संजय नेहतराव आदि कार्यकर्ते यांनी परिश्रम घेतले. सदर कार्यक्रमाचे समस्त महादेव कोळी समाज संघ व समस्त जुनी पेठ तालीम, भाजपा सोलापूर जिल्हा यांच्यावतीने आयोजन करण्यात आले होते.
