अवैध वाळू उपशाकडे तहसीलदाराने दुर्लक्ष केल्याचा आरोप

सातारा जिल्ह्यातील माण तालुक्यात मोठ्या प्रमाणात अवैध वाळू उपसा केला जात असल्याचा तक्रारी या तालुक्यातील अनेक पक्ष संघटनांचे पदाधिकारी वारंवार करीत होते. जिल्हाधिकारी कार्यालयात या बाबत पाठपुरावाही केला जात होता.मात्र माण परिसरात अवैध वाळू अथवा मुरूम उपसा,वाहुतक  होत नसल्याचे   माणच्या महसूल विभागाकडून वरिष्ठाना सांगण्यात येत होते. आता तहसीलदार सूर्यकांत येवले यांच्या निलंबनाचे आदेश निघाल्यानंतर वाळू उपशाकडे दुर्लक्ष करून वाळू चोरांना अभय देणे तहसीलदारांना भोवल्याची चर्चा माण तालुक्यात आहे.