डीजेवर नाचता नाचता तरुणानं स्वतःच्याच छातीत खुपसला चाकू

मध्य प्रदेशातील इंदूर जिल्ह्यात एक हृदयद्रावक घटना समोर आली आहे. तर बाणगंगा परिसरात होळीच्या कार्यक्रमात नाचत असताना एका तरुणाने स्वतःच्या छातीवर चाकूनं वार केले.

यावेळी उपस्थित लोकांनी त्यांना जखमी अवस्थेत जवळच्या रुग्णालयात नेले. जिथे त्याचा रुग्णालयात उपचारादरम्यान मृत्यू झाला. त्याचवेळी या घटनेचं सीसीटीव्ही फुटेजही समोर आले असून, पोलिसांनी याप्रकरणी गुन्हा दाखल केला आहे. सध्या या प्रकरणाचा तपास सुरू आहे.

इंदूरच्या बाणगंगा पोलीस स्टेशन हद्दीतील गोविंद कॉलनीमध्ये ही घटना घडली आहे. होळीच्या कार्यक्रमात नाचत असताना तरुणाने स्वतःच्या छातीत वार केले.गोविंद कॉलनी येथे राहणारा गोपाल (38) हा तरुण होलिका दहनाच्या कार्यक्रमात डीजेवर नाचत होता. गाण्यावर नाचत असताना त्याने हातात चाकू घेतला आणि छातीवर वार करण्यास सुरुवात केली. यावेळी चाकू गोपालच्या छातीत खोलवर घुसल्यानं त्याच्या छातीतून रक्त वाहू लागले.

बाणगंगा पोलीस स्टेशनचे एसआय योगेश करसिया यांनी दिलेल्या माहितीनुसार, हे प्रकरण कुशवाह नगरचे आहे. जिथे होलिका दहनात नाचत असताना गोपाल दर्जी नावाच्या तरुणाचा मृत्यू झाला. होलिका दहनच्या कार्यक्रमादरम्यान तरुण ‘मैं भी शराफत से जीता मगर’ या गाण्यावर नाचत होता.

यादरम्यान नाचत असताना तरुणाने चाकू काढून स्वत:च्या छातीवर अनेक वार केले, त्यामुळे तो गंभीर जखमी झाला. अशा स्थितीत जखमी अवस्थेत तरुणाला रुग्णालयात नेले, तेथे त्याचा मृत्यू झाला.
पोलिसांनी एफआयआर नोंदवला

या प्रकरणी पोलिसांनी सांगितलं की, मृत गोपालची पहिली पत्नी, मुलगा आणि आई-वडील एकत्र राहतात. त्याने आणखी एका महिलेला सोबत ठेवले आहे. तिच्यासोबत तो नाचत होता. यादरम्यान सर्व मित्रांनी मिळून दारू प्यायली होती. रात्री नाचण्याआधी तो चाकू घेऊन आला होता. मृत गोपालचा मृतदेह पोस्टमार्टमसाठी अरबिंदो रुग्णालयात पाठवण्यात आला आहे. सध्या पोलिसांनी गुन्हा दाखल करून तपास सुरू केला आहे.