‘सिल्व्हर ओक’वर राष्ट्रवादीच्या प्रमुख नेत्यांसह शरद पवारांची बैठक सुरु

पाच राज्यातील विधानसभा निवडणुकीचे लागलेले निकाल तसेच राज्यात होत असलेल्या महत्वाच्या घडामोडींसंदर्भात राष्ट्रवादीचे अध्यक्ष शरद पवार यांनी आज महत्वाची बैठक बोलावली आहे.

मुंबईतील शरद पवारांचे निवासस्थान असलेल्या सिल्व्हर ओक येथे सायंकाळी सात वाजता ही बैठक होणार आहे. बैठकीस उपमुख्यमंत्री अजित पवार , मंत्री छगन भुजबळ , राष्ट्रवादीचे नेते प्रफुल्ल पटेल आदींसह राष्ट्रवादीचे मंत्री व प्रमुख नेते उपस्थित आहेत. बैठकीस सुरुवात झाली आहे.

होणार महत्वाची चर्चा

पाच राज्यांच्या निकालात भाजपला चार राज्यात बहुमत मिळाले आहे. त्यामुळे राष्ट्रीय पातळीवर पक्षाच्या भूमिकेत काही बदल राष्ट्रवादीकडून केले जाऊ शकतात. यासह राज्यात माजी मंत्री अनिल देशमुख यांच्यासह विद्यमान मंत्री नवाब मलिक हे तुरुंगात आहेत. महाविकास आघाडीच्या अनेक नेत्यांवर केंद्रीय तपास यंत्रणांकडून धाडी टाकण्यात येत आहेत. यापार्श्वभूमीवर या बैठकीत चर्चा होण्याची शक्यता आहे.