उत्तर प्रदेशात नुकतीच विधानसभा निवडणूक पार पडली. या निवडणुकीत पोलीस स्टेशनमध्ये ढसाढसा रडणाऱ्या उमेदवाराचा व्हिडीओ व्हायरल झाला होता. लाखों रुपये देऊनही पक्षाने तिकीट न दिल्याने हा उमेदवार रडत होता.
त्याने आपली फसवणूक झाल्याची तक्रार पोलिसांत दिली होती. आता या उमेदवाराची बायको पोलीस ठाण्यात पोहोचली असून तिने आपल्या नवऱ्यावर गंभीर आरोप केला आहे. निवडणुकीत तिकीट मिळावं यासाठी नवऱ्याने आपल्याला त्याच्या मित्रांना विकलं असा आरोप या महिलेने केला आहे. माझ्याच घरात माझ्यावर बलात्कार करण्यात आल्याचा आरोपही तिने केला आहे.
पोलिसांत दिलेल्या तक्रारीनुसार ही महिला एक क्लिनिक चालवते. तिने आरोप केला आहे की 10 मार्च रोजी तिला निवडणूक मतमोजणी केंद्रावर घेऊन जाण्यास नवऱ्याने नकार दिला होता. निवडणुकीचे निकाल जाहीर झाल्याच्या काही तासात नवऱ्याचा एक मित्र माझ्याकडे आला आणि त्याने माझ्याकडे शरीरसुखाची मागणी केली असं या महिलेने म्हटलंय.
याबद्दल जेव्हा मी नवऱ्याला सांगितलं तेव्हा त्याने माझ्यासोबत गैरवर्तन करत मला मारहाण केली असा आरोप या महिलेचा आहे. निवडणूक प्रचारात आपण प्रचंड पैसा ओतला होता, मात्र मी तुझ्यामुळे हरलो असं म्हणत महिलेच्या नवऱ्याने पैशांसाठी मी तुला विकलं आहे असं सांगितलं.
या महिलेने नवऱ्याच्या नातेवाईकांकडेही तक्रार केली होती. त्यांनीही आपल्याला शिवीगाळ केलीअसं महिलेने म्हटलंय. महिलेचं म्हणणं ऐकून घेतल्यानंतर पोलिसांनी तिच्या नवऱ्याविरोधात तक्रार दाखल केली आहे.
महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या बी.एस्सी नर्सिंगच्या हिवाळी २०२५ परीक्षेत कर्मयोगी…
पंढरपूर येथे आयोजीत पुरस्कार वितरण सोहळा या मान्यवरांच्या हस्ते हे पुरस्कार प्रदान करण्यात येणार आहेत.या…
सोलापूर जिल्ह्यातून विधान परिषदेसाठी राम सातपुते,बाळराजे पाटील यांचे नाव आघाडीवर परिचारक यांनी तिरंगी लढतीत दोन पराभव…
एस के एन सिंहगड कॉलेज ऑफ इंजिनिअरिंग, पंढरपुर येथील सिव्हिल इंजिनिअरिंग विभाग व सिव्हिल इंजिनिअरिंग…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी पंढरपूर येथे दिनांक ४ एप्रिल २०२६ रोजी…
पंढरपूर : श्री पांडुरंग प्रतिष्ठान संचालित कर्मयोगी विद्यानिकेतन पंढरपूर शाळेचा इयत्ता चौथीतील विद्यार्थी पियुष पोपट…
