साहेबांचा आदेश आहे चोऱ्या माऱ्या होऊ लागल्यात तुम्ही दागिने घालून कशाला फिरता !

पंढरपूर शहरातील डोंबे गल्ली परिसरात राहणारी महिला आपल्या डॉक्टर पतीसह केबीपी चौकातून बायपास रस्त्याने नातेवाईकाकडे निघालेले असता पाठीमागून दुचाकी वरून आलेले तरुणाने गाडी थांबविण्यास सांगून साहेबांचा आदेश आहे चोऱ्या माऱ्या होऊ लागल्यात असे म्हणत फिर्यादी महिलेस तुमच्या हातातील पाटल्या तुमच्या पर्स मध्ये ठेवा.

त्याप्रमाणे फिर्यादीने पाटल्या काडुन पर्स मध्ये ठेवल्या तेव्हा त्या व्यक्तीने गळ्यातील साखळीतील मंगळसुत्र काढण्यास लावले व तेसुद्दा पर्स मध्ये ठेवले असता त्याने पर्समध्ये दागिने ठेवल्याची खात्री करण्यासाठी फिर्यादीच्या हातातून पर्स घेतली व त्यास पेपर गुंडाळुन ती पर्स पुन्हा परत दिली दिली व ठीक आहे व्यवस्थित जावा असे सांगितले.

जवळच नातेवाईकाच्या घरी गेल्यानंतर फिर्यादीने पर्स उघडून पहिली असता स्टिलचे दोन कडे व एक वाळुतील दगड असल्याचे व दागिने गायब झाल्याचे दिसून आले.या प्रकरणी सदर महिलेने पंढरपूर शहर पोलीस ठाण्यात फिर्याद दाखल केली असून सदर इसम हा 25 ते 30 वयोगटातील असुन त्याची उंची साधारन 5.6 फुट, अंगाने जाड,अंगात चाँकलेटी रंगाचा शर्ट व पँन्ट घातलेला,डोकीत हेल्मेट असलेला,रंगाने काळे सावळा असलेला इसम आहे.

सदर घटना दि-31/01/2022 रोजी सकाळी 11/20 वाचे सुमारास घडली असून या प्रकरणी पंढरपूर शहर ठाण्यात अज्ञात   25 ते 30 वयोगटातील इसमा विरोधात फिर्याद दाखल करण्यात आली आहे.