बुलेट महागली! रॉयल एनफिल्डच्या ‘या’ बाईक्सचे वाढले भाव

रॉयल एनफिल्ड बाईक खरेदी करणं, हे अनेक तरुणाचं स्वप्न असतं. तुम्हीही जर बुलेट बाईक खरेदी करण्याचा विचार करत असाल, तर तुमच्यासाठी एक वाईट बातमी आहे. रॉयल एनफिल्डने जानेवारी 2022 पासून आपल्या काही बाईकच्या किंमतीत वाढ केली आहे.

यात कंपनीची लोकप्रिय बाईक क्लासिक 350, Meteor 350 आणि हिमालयनचा समावेश आहे. कंपनीने आपल्या कोण-कोणत्या बाईकच्या किमतीत किती रुपयांची वाढ केली आहे, हे आपण या बातमीत माध्यमातून जाणून घेणार आहोत.

Classic 350

कंपनीने आपल्या क्लासिक 350 च्या सर्व व्हेरिएंटच्या किमतीत 2,872 रुपयांपासून ते 3,332 रुपयापर्यंत वाढली आहे. यात Redditch Classic 350 (किंमत 1.87) आणि Chrome Classic 350 (किंमत 2.18 लाख) चा समावेश आहे. या बाकीची लोकप्रियता पाहता कंपनीने याच्या किंमत इतर बाईकच्या तुलनेत कमी वाढ केली आहे.

Royal Enfield Meteor 350

कंपनीने या बाईकच्या किंमत 2,511 रुपयांची वाढ केली आहे. या बाईकची किंमत 2.01 रुपयांपासून ते 2.03 लाख रुपयांपर्यंत (एक्स-शोरूम) होती. आता वाढीव किमतीसह या बाईकची 2.07 रुपयांपासून ते 2.09 लाख रुपयांपर्यंत (एक्स-शोरूम) झाली आहे.

Meteor 350 Supernova

कंपनीने आपल्या या बाईकच्या किंमत सर्वाधिक 2,752 रुपयांची वाढ केली आहे. Meteor 350 च्या लाइनअपमध्ये Supernova च्या किमतीत सर्वाधिक वाढ करण्यात आली आहे. वाढीव किंमतसह आता या बाईकची किंमत 2.17 लाखपासून ते 2.19 लाख रुपये (एक्स-शोरूम) इतकी झाली आहे.

रॉयल एनफिल्ड हिमालयन

कंपनीने हिमालयन बाईकच्या किंमत 4 हजार रुपयांची वाढ केली आहे. यात रॉयल एनफिल्ड हिमालयन ग्रे आणि सिल्व्हर (किंमत 2.14 लाख ) आणि रॉयल एनफिल्ड हिमालयन ब्लॅक अँड ग्रीन (किंमत – 2.22 लाख) च्या किंमती होत्या तितक्याच ठेवण्यात आल्या आहेत. मात्र याच्या इतर तीन व्हेरिएंटमची किंमत वाढवण्यात आली आहे. ज्यात Interceptor, Continental GT आणि Bullet बाईकचा समावेश आहे.