भाजपच्या ‘त्या’ पदाधिकाऱ्यास जुन्या चपलांची भेट

आज पंढरपूर शहर पोस्टातून युवती सेनेने वतीने आज पंढरपुरात अनोख्या पध्दतीचे आंदोलन करण्यात आले. भाजप आयटी सेलचे प्रमुख जितेन गजरिया यांना पंढरपुरातील मुख्य पोस्ट कार्यालयातून पार्सलच्या माध्यमातून जुनी चप्पल पाठवित जितेन गजरिया यानी मुख्यमंत्री उद्धव ठाकरे यांच्या पत्नी रश्मी ठाकरे यांच्या बाबत केलेल्या आक्षेपार्ह पोस्टचा निषेध करण्यात आला आहे अशी माहिती युवती सेनेच्या तालुका प्रमुख ॲड.पूनम साईनाथ अभंगराव यांनी दिली.      

  राज्याचे मुख्यमंत्री उध्दव ठाकरे यांच्या पत्नी रश्मीताई ठाकरे यांच्या विरोधात भाजपाच्या आयटी सेलच्या जितेन गजरिया यांनी एक अक्षेपार्ह्य आणि राजकीयदृष्ट्या केवळ चिकलफेक करणारे ट्विट केले होेते. त्यात भाजपाच्या कोणत्याही नेत्याने काही प्रतिक्रिया दिली नाही. म्हणजेच अशा विकृतीला भाजपाचे समर्थन आहे का? असा प्रश्‍न उपस्थित उपस्थित करत युवती सेनेच्या वतीने या या कृत्याचा निषेध करत असल्याचे सांगत महिलांवर वाट्टेल ते आरोप करायचे, सोशल मिडीयावरती विक्षिप्त विकृत लिखान करायचे ही भाजपाची संस्कृती आहे का? असा सवाल हि युवती सेनेच्या वतीने उपस्थित करण्यात आला आहे.   
   पंढरपूर पोस्ट कार्यालयात करण्यात आलेल्या या अनोख्या आंदोलनावेळी युवती सेना तालुका प्रमुख ॲड. पूनम साईनाथ अभंगराव,उपतालुका प्रमुख सारिका जाधव, शहर प्रमुख गायत्री गायकवाड, प्राजक्ता घुले, प्रियंका पालकर आदी युवती सेनेच्या पदाधिकारी व कार्यकर्त्या उपस्थित होत्या.