वृद्ध व्यक्तीची लाखोंची फसवणूक, प्रसिद्ध मराठी अभिनेत्याच्या पत्नीला अटक

एका वृद्ध व्यक्तीची साडे तीन लाखांची फसवणूक केल्या प्रकरणी एका महिलेला ठाणे पोलिसांनी अटक केली आहे. सदर महिला ही मराठीतील एका प्रसिद्ध अभिनेत्याची पत्नी असल्याचे समजते. या महिलेने एका 72 वर्षीय व्यक्तीच्या खात्यातून 3लाख 80 हजार रुपये स्वत:च्या खात्यावर वळवले असल्याची तक्रार तिच्याविरोधात दाखल झाली आहे.

सदर महिलेने ती एका राष्ट्रीय बँकेत कामाला असल्याचे पीडित व्यक्तीला सांगितले होते. तिने बँकेची फिक्स्ड डिपॉझिटची चांगली स्किम सदर व्यक्तीला सांगितली. त्या व्यक्तीला त्या महिलेने सांगितलेली स्कीम आवडल्याने तो त्यात पैसे गुंतवायला तयार झाला. पैसे गुंतविण्यासाठी तो चेक व पासबुक घेऊन बँकेत आला होता. तिथे त्या महिलेने व्यक्तीच्या खात्यावरून 3.80 लाख रुपये स्वत:च्या खात्यावर ट्रान्स्फर करून घेतले.