पंढरी सायकल मॅरेथॉन-२०२१चे आयोजन

पंढरी सायकल मॅरेथॉन-२०२१चे आयोजन!

           पंढरपुर दि:23:-   देशहितास्तव व आपली धनलक्ष्मी टिकून राहण्यासाठी इंधनाची बचत करणे, प्रत्येक भारतीयाचे आद्यकर्तव्य ठरते. 19 व्या व 20 व्या शतकात अवघ्या जगावर अधिराज्य करत असलेली , दळणवळण, प्रवासाचे साधन असलेली सायकल 21 व्या शतकात मात्र ऐषोराम जीवनपद्धतीमुळे दुरावली आहे. अशा सायकल चालविण्याचे आरोग्यालाही शेकडो फायदे असून, सायकलमुळे प्रदुषण होत नसल्याने पर्यावरण जागृतीसाठी आम्ही पंढरपूरकर फाऊंडेशन व जिल्हा सायकलिंग असोशिएशन  सोलापूर यांच्या संयुक्त विद्यमाने  दिनांक 28 नोव्हेबर रोजी पंढरी सायकल मॅरेथॉनचे पंढरपूर येथे आयोजन केले आहे.  

              या बाबींचा साकल्याने विचार करुन, सायकलची गोडी वाढण्याच्या दृष्टीने व इंधनबचत व्हावी, आरोग्य सदृढ राहावे, पर्यावरण टिकून राहावे, मानसिक व शारिरीक व्यायाम व्हावा, प्रदुषण होऊ नये, वृक्षतोड होऊ नये, अशा व्यापकतेने महाराष्ट्र राज्यातील सोलापूर जिल्ह्यात पंढरपूर येथे आम्ही पंढरपूरकर फाऊंडेशन व जिल्हा सायकलिंग असोसीऐशन सोलापुर यांच्या सयुक्त विधमाणे रविवार दि २८ नोव्हेंबर -२०२१ रोजी सकाळी ०६:०० वाजता छत्रपती शिवाजी महाराज चौक येथे आयोजन केले असून, यात महाराष्ट्रासह अनेक राज्यातील सायकलस्वारांना सहभागी होण्याचे आवाहन केले आहे. सहभागी सायकलस्वारांना टिशर्ट व सहभागी प्रमाणपत्र देण्यात येणार आहे. पंढरी सायकल मॅरेथॅान हि स्पर्धा नसून सामाजिक जागृतीसह आनंद घेण्याचा व देण्याचा, तसेच आरोग्य व पर्यावरण रक्षणाचा, इंधन बचतीचा एक उपक्रम आहे.

          आपण या पंढरी सायकल मॅरेथॉन मध्ये विविध प्रकारे सहभागी होऊ शकता!  सायकलस्वार म्हणून, आयोजक म्हणून, प्रायोजक म्हणून टीशर्टस् वर आपल्या उत्पादनाची जाहिरात करुन टीशर्ट सायकलस्वारांना भेट देऊन, सायकलस्वारांना एखादी सायकल भेट देऊन, सायकलस्वारांचे सहर्ष स्वागत करुन, सायकलस्वारांना शक्तीवर्धक खाद्य, गोळ्या-बिस्किटे देऊन, आपण सहभागी होऊ शकता.  व्यवस्थापनात भाग घेऊन, सायकलस्वारांसाठी स्वागत कमानी उभारुन, डॅाक्टर म्हणून, समस्त पंढरपूरकरांचा उपक्रम आहे म्हणून अशा विविध प्रकारे आपण आपला पंढरपूरकरांचा उपक्रम आहे म्हणून येनकेन योगदानाने आपण सहभागी होऊन उपकृत करण्याचे आवाहन आम्ही पंढरपूरकर फाऊंडेशनचे संस्थापक अध्यक्ष व पंढरी सायकल मॅरेथॉनचे मुख्य आयोजक सागर कदम यांनी समस्त पंढरपूरकरांना केले आहे. 

  या कार्यक्रमात अनेक मान्यवर, कलाकार, शासकीय अधिकारी, यांचेसह आबालवृद्ध  सहभागी होत आहेत.  सायकलस्वारांना सहभागी होण्यासाठी ऑनलाईन व ऑफलाईन अर्ज दिनांक 25 नोव्हेबर पर्यंत उपलब्ध आहेत. अधिक माहितीसाठी  ९८२३०७९१७० या भ्रमणध्वनीवर संपर्क साधावा