कोर्टीरोड परिसरात घरफोडी,सोन्या-चांदीचे दागिने,रोख रकमेसह टीव्ही लंपास

पंढरपूर शहर व शहरा लगतच्या उपनगरातून अगदी घरासमोर लावलेल्या दुचाकी चोरीस जाण्याचे प्रमाण वाढले आहे अशातच आता कोर्टी रोड वरील परिचारक नगर येथील बंद घराचा कडीकोयंडा तोडून अज्ञात चोरट्याने सोन्या-चांदीचे दागिने,देवतांच्या चांदीच्या मूर्ती तसेच ५ हजार रोख रक्कम व घरातील सोनी कंपनीचा एलसीडी टीव्ही लंपास केला आहे.

या बाबत पंढरपूर शहर पोलीस ठाण्यात महेश बडवे यांनी दाखल केलेल्या फिर्यादीनुसार त्यांच्या सासुबाई स्मिता सुनिल जोशी वय-60ह्या परिचारक नगर प्लाँट नं.23 80/1/B शहनाई गार्डन चे पाठीमागे कोर्टी रोड पंढरपूर येथे एकट्याच राहत असुन त्या मुळच्या बार्शी येथील घोडेगल्ली येथे राहण्यास असतात अधुनमधुन एखाद्यावेळेस पंढरपूरला येतात.

दि.30/10/2021रोजी सकाळी 09/00वा.चे सुमारास त्यांचे शेजाऱ्याने फिर्यादीच्या मेव्हुणी सुवर्णा याना फोनवरुन तुमचे घर उघडे दिसत आहे अशी माहिती दिली असता फिर्यादी व त्यांचे साडू हे सदर घटनास्थळी गेले.त्यावेळी समोरील लोखंडी दरवाजा फाकुन आतील दरवाज्याचा कोंयडा तोडुन आत प्रवेश करुन चोरी केल्याचे दिसुन आले.सोन्या चांदीचे दागिने, रोख रक्कम, अशा वस्तु अज्ञात चोरट्यांनी चोरून नेल्या आहेत. म्हणून माझी अज्ञात चोरट्याविरूध्द फिर्याद दाखल करण्यात आली आहे.