सोमवार दिनांक १३ सप्टेंबर हा दिवस म्हणजे घरोघरी गौरी पूजनाचा दिवस.गौरी आगमन झाले कि अनेक कुटूंबातील कुटूंबकर्ते आजही तीन दिवस अनावश्यक रोखीचे आर्थिक व्यवहार थांबवत असल्याचे चित्र अनेक ठिकाणी पहावयास मिळते.
मात्र आकस्मात धनलाभ होण्याची आशा बाळगून असलेले काही ”अभ्यासू” गुंतवणूकदार सोमवार पासून नवीन लाईन सुरु होईल या आशेने शनिवार रविवार दोन दिवस घमासान अभ्यास करून फिगर काढत असतात.यातील तज्ञ् असलेल्या ”प्रोफेसर”मंडळींकडून यासाठी करण्यात येणारे बहुमोल मार्गदर्शन काही पेपरमध्ये शनिवार ‘ओपन चॅलेंज” म्हणून छापून येते.आणि आकस्मात धनलाभाच्या हिशोबाने गुंतवणूक करणाऱ्यांना म्हणे ते अतिशय मार्गदर्शनपर ठरते.
मात्र यंदाचा सोमवार अशा अनेक ”गुंतवणूकदारांसाठी” अनलकी ठरला असून नेमके याच दिवशी पंढरपुर शहर पोलिसांनी विविध ८ ठिकाणी कारवाई करत मटका एजंट मंडळींवर कारवाई केली आहे.त्यामुळे सणासुदीच्या दिवसात गुंतवणुकीच्या ८० पट अधिक नफा मिळविण्याचे अनेक ”गुंतवणूकदारांचे” मनसुबे धुळीस मिळाले आहेत.
काही वर्षांपूर्वी पंढरपुर शहरात जवळपास प्रत्येक गल्लीच्या कोपऱ्यात एक असे खोके असायचे ज्या ठिकाणी विक्रीला काहीच नसताना देखील गिऱ्हाईकांची प्रचंड गर्दी दिसून यायची.मग १९९५ साली राज्यात युती सरकार सत्तेत आले आणि स्व.गोपीनाथ मुंढे गृहमंत्री झाले.तेव्हा ५ वर्षे या राज्यात अशा कुठलाही माल विक्रीस नसलेल्या खोक्यांना टाळे लागल्याचे दिसून आले.पुढे राज्यात आघाडी सरकार आले आणि अशा गुंतवणूकदाराची कुचंबणा काही प्रमाणात थांबली.पण पुढे व्हाट्स अप आणि गुगल पे युग आले आणि ना अशा खोक्यांची आवश्यकता राहिली ना कागदाच्या वापराची(या मुळे कागदाचा वापर कमी झाल्याने पर्यावरणाचा ऱ्हास थांबला).
परंतु तरीही अडाणी,अशिक्षित लोक या भाग्याची संधी उपलब्ध करून देणाऱ्या खेळापासून वंचित राहू नयेत म्हणून अशा किरकोळ ”इन्व्हेस्टर” साठी काही मोजकीच ठिकाणे उपलब्ध होती.मात्र हा सारा प्रकार हा महाराष्ट्र जुगार अक्ट कलम 12 (अ) नुसार गुन्हा आहे हे लक्षात घेत पंढरपूर शहर पोलिसांनी सोमवार दिनांक १३ सप्टेंबर रोजी कारवाई केली असल्याचे दिसून येते.जुलै महिन्यात पंढरपूर तालुका पोलिसांनी अशीच धडक कारवाई केली होती त्यावेळी पंढरपूर नगर पालिकेच्या राजकारणात मोठे पद भूषविलेल्या एका माजी पदाधिकाऱ्याचे नावही पुढे आले होते .मात्र पुढे या बाबत काय झाले याची अधिकृत माहिती मिळू शकली नाही.
लसीचे दोन्ही डोस घेऊनही हजारो जणांना कोरोनाची बाधा झाल्याचं समोर आलं आहे. राजधानी मुंबईतही आतापर्यंत जवळपास वीस हजारांहून अधिक लसवंतांना कोरोनाची बाधा झालीय.
मुंबईत झालेल्या एकूण लसीकरणापैकी 0.35% लोकांना कोरोनाची पुन्हा बाधा झाली आहे. यामधील वृद्धांचं प्रमाण चिंतेत भर टाकणारं आहे.
मुंबईतल्या एकूण लसीकरणापैकी 0.35% लोकांना कोरोनाची पुन्हा बाधा होत आहे. म्हणजेच दोन्ही डोस घेतलेल्या 1 लाख नागरिकांपैकी 350 लोकांना पुन्हा कोरोनाची लागण होत आहे, असं पालिकेच्या अहवालात स्पष्ट करण्यात आलं आहे. लसीकरण होऊनही कोरोना होण्याची भीती सर्वत्र व्यक्त केली जातीय, पण याच प्रमाण खूप कमी आहे, असंही मुंबई पालिकेच्या अहवालात स्पष्ट झालं आहे.
नागरिकांनी लसीबाबत भीती बाळगू नये. अहवाल तयार करते वेळी दोन्ही डोस घेतलेल्या नागरिकांची संख्या 25.39 लाख होती. यापैकी 9001 नागरिकांना कोरोनाची लागण झाल्याचं समोर आलं आहे झालं. म्हणजेच लसीकरणानंतर कोरोनाची लागण होण्याचं प्रमाण नगण्य आहे. मात्र यातही ६० वर्षांवरील व्यक्तींमध्ये लस घेतल्यानंतर कोरोनाची लागण होण्याचं प्रमाण सर्वाधिक आहे, ही चिंता वाढवणारी आकडेवारी आहे.
मुंबईत 20 हजारांहून अधिक लसवंतांना पुन्हा कोरोनाची लागण
मुंबईत 23 हजार 239 लसवंतांना पुन्हा कोरोनाची लागण
दोन्ही डोस घेऊनही 9 हजार जणांना कोरोनाची लागण
पहिला डोस घेऊन कोरोना झालेल्यांची संख्या 14 हजार 239
लस घेऊनही कोरोनाची लागण होण्याचं प्रमाण हे 60 वर्षांवरील व्यक्तींमध्ये सर्वाधिक आहे
18 ते 44 वयोगटात पहिला डोस घेऊन कोरोना लागण झालेल्यांची संख्या
पहिला डोस घेऊन कोरोनाची लागण–4420
दुसरा डोस घेऊन कोरोनाची लागण- 1835
45 ते 59 वयोगट पहिला-दुसरा डोस घेऊन कोरोना लागण झालेल्यांची संख्या
पहिला डोस घेऊन कोरोनाची लागण–4815
दुसरा डोस घेऊन कोरोनाची लागण- 2687
60 वर्षांवरील पहिला-दुसरा डोस घेऊन कोरोना लागण झालेल्यांची संख्या
पहिला डोस घेऊन कोरोनाची लागण–5004
दुसरा डोस घेऊन कोरोनाची लागण- 4479
एकूण लसीकरणाच्या तुलनेत लस घेऊनही कोरोनाची लागण होण्याचं प्रमाण वयोवृद्धांमध्ये अधिक
मुंबई पालिका महिलांच्या लसीकरणावर भर देणार
मुंबई महापालिका महिलांच्या लसीकरणावर भर देणार आहे. पुरुषांच्या तुलनेत महिलांचा लसीकरणाला कमी प्रतिसाद पाहता महापालिका महिलांच्या विशेष लसीकरण सत्र सुरु करणार आहे. आठवड्यातील लसीकरणाचा एक दिवस महिलांसाठी राखीव ठेवण्यात येणार आहे. पुढील दोन आठवडे प्रायोगिक तत्वावर महिला लसीकरणासाठी दोन दिवसांचा स्पेशल ड्राईव्ह करण्यात येणार आहे. महिलांची लसीकरणातली टक्केवारी वाढावी याकरता महापालिका प्रयत्न करणार आहे.
महिलांच्या लसीकरणाची स्थिती काय?
मुंबईमध्ये 42.32 टक्के महिलांचे लसीकरण झाले आहे.
मुंबईमध्ये 47,13,523 महिलांनी तर, 63,07,471 पुरुषांचे लसीकरण झाले आहे.
मुंबईमध्ये 13 सप्टेंबरपर्यंत 1182 गर्भवती महिलांनी लस घेतली आहे.
संगणक अभियांत्रिकीच्या विद्यार्थ्यांना वार्षिक ४ लाखांचे पॅकेज पंढरपूर : प्रतिनिधी अत्याधुनिक शिक्षण, उद्योगाभिमुख प्रशिक्षण आणि…
कोर्टी (ता. पंढरपूर) येथील एस.के.एन. सिंहगड कॉलेज ऑफ इंजिनिअरिंगच्या संगणक अभियांत्रिकी विभागातील अंतिम वर्षाची विद्यार्थिनी…
लोकनेता पुरस्कार देवून सन्मान करणार - राष्ट्रवादीचे श्रीकांत शिंदे यांचा स्तुत्य उपक्रम लोकनेते तथा महाराष्ट्राचे…
पंढरपूर : एस. के. एन. सिंहगड कॉलेज ऑफ इंजिनिअरिंग, कोर्टी, पंढरपूर येथील स्थापत्य अभियांत्रिकी विभागामार्फत…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी, पंढरपूर येथील प्राध्यापक डॉ. अनिल बाबर आणि…
पंढरपूर: प्रतिनिधी कोर्टी (ता.पंढरपूर) येथील एस.के.एन सिंहगड कॉलेज ऑफ इंजिनिअरिंग मधील मेकॅनिकल इंजिनियरींग विभागात चतुर्थ…