राष्ट्रवादीचे प्रांतीक सदस्य (कै.) राजुबापु पाटील यांच्या प्रथम पुण्यस्मरण दिनानिमित्त पंढरीत विविध सामाजिक उपक्रम संपन्न
पंढरपूर (प्रतिनिधी): राष्ट्रवादीचे प्रांतीक सदस्य (कै.) राजुबापु पाटील यांच्या प्रथम पुण्यस्मरण दिनानिमित्त राष्ट्रवादी युवक काँग्रेसच्या वतीने गोपाळपूर येथील मातोश्री वृध्दाश्रम येथे मिष्ठान्न भोजन, अक्षत बंगलोज, मलपे वडा, इसबावी परिसरात वृक्षारोपण, इंदिरा कुष्ठरुग्ण वसाहत, गोपाळपूर रोड येथे चादर वाटप आदी विविध सामाजिक उपक्रम राबविण्यात आले.
श्रीविठ्ठल हॉस्पिटल येथे (कै.) राजुबापु पाटील यांच्या प्रतीमेचे पुजन करण्यात आले. डॉ. गिरीष बोरावके व अॅड. तानाजी सरदार यांच्या हस्ते प्रतिमापुजन करण्यात आले. यावेळी विठ्ठल साखर कारखान्याचे संचालक युवराजदादा पाटील, राष्ट्रवादीचे माजी विद्यार्थी प्रदेशाध्यक्ष अजिंक्यराणा पाटील, समाजसेवक संतोष नेहतराव, पंढरपूर नगरपरिषदेचे विरोधी पक्षनेते सुधीर धोत्रे, पत्रकार नवनाथ पोरे, शिवसेना जिल्हा नियोजन सदस्य महेशनाना साठे, राष्ट्रवादीचे माजी तालुकाध्यक्ष अॅड. दीपक पवार, समाजसेवक संजयअप्पा भिंगे, राष्ट्रवादी चे तालुका कार्याध्यक्ष प्रविणबाबा भोसले (सरकोली), राष्ट्रवादी युवकचे सोलापूर जिल्हाउपाध्यक्ष बापु शिंदे, राष्ट्रवादी युवकचे शहराध्यक्ष स्वप्नील जगताप आदी मान्यवर उपस्थित होते.
गोपाळपूर येथील मातोश्री वृध्दाश्रमातील वयोवृध्दांना मिष्ठान्न भोजन देण्यात आले. यावेळी पांडुरंग साखर कारखान्याचे व्हा.चेअरमन वसंतनाना देशमुख, प्रसिध्द भारुडसम्राज्ञी चंदाताई तिवाडी, जि.प. सदस्य अतुल लाला खरात, माजी नगरसेवक किरणराज घाडगे, राष्ट्रवादीचे पंढरपूर शहर कार्याध्यक्ष रणजित पाटील, राष्ट्रवादी ओबीसी सेलचे सोलापूर जिल्हा कार्याध्यक्ष कृष्णात माळी, यशवंतभाऊ पाटील पतसंस्थेचे व्यवस्थापक दिलीप पवार, राष्ट्रवादी ओबीसी सेलच्या सोलापूर जिल्हाध्यक्षा साधनाताई राऊत, किसान सेलचे जिल्हाध्यक्ष शुभांगी जाधव आदी मान्यवर उपस्थित होते.
इसबावी परिसरात वृक्षारोपन करण्यात आले. यावेळी राष्ट्रवादीचे तालुकाध्यक्ष विजयसिंह देशमुख, समाजसेवक सागरदादा यादव, माजी नगरसेवक धनंजय कोताळकर, पत्रकार शिवाजीराव शिंदे, शिवसेना तालुका संघटक संदीपभैया केंदळे, माजी नगरसेवक बालाजी मलपे, मारापुर ग्रामपंचायतीचे माजी सरपंच प्रथमेश (भैया) पाटील, अॅड. शाम पवार, भिमराव काटवटे, अभिषेक पाटील आदी मान्यवर उपस्थित होते.
गोपाळपूर रोड येथील इंदिरा कुष्ठरुग्ण वसाहतीमध्ये चादर वाटप करण्यात आले. यावेळी सत्संग आश्रम चिंचगाव टेकडी चे उत्तम महाराज बोरीवार, मर्चंट बँकेचे माजी चेअरमन भारत भिंगे, माजी नगराध्यक्ष संजय घोडके, माजी नगरसेवक महंमद उस्ताद, समाजसेवक गणेश अंकुशराव, मेंढापूर ग्रामपंचायतीचे सरपंच दिलीप कोरके, काँग्रेसचे जेष्ठ नेते पैलवान द.बडवे, मंगेश जाधव, राष्ट्रवादी युवकचे शहर उपाध्यक्ष यश महिंगडे, पैलवान विश्वजीत व्यवहारे आदी मान्यवर उपस्थित होते.
हे सर्व कार्यक्रम यशस्वी करण्यासाठी राष्ट्रवादी युवकचे सोलापूर जिल्हाउपाध्यक्ष बापु शिंदे व राष्ट्रवादी युवकचे शहराध्यक्ष स्वप्नील जगताप यांनी विशेष प्रयत्न केले.