तिसऱ्या लाटेची चाहूल? कोरोनाचे सक्रिय रुग्ण वाढले; 24 तासात 40 हजारांहून अधिक रुग्णांची नोंद

देशभरात कोरोना रुग्णांच्या रुग्णांमध्ये पुन्हा एकदा वाढ होताना दिसत आहे. चार दिवसांमध्ये रुग्णसंख्या जवळपास दुप्पट झाली आहे. गेल्या दोन दिवसांपासून देशात 40 हजारांहून अधिक रुग्णांची नोंद होत असून सक्रिय रुग्णांची संख्या यामुळे वाढली आहे.

गेल्या 24 तासामध्ये देशात 44 हजार 658 नवीन कोरोना रुग्णांची नोंद झाली आहे, तर 32 हजार 988 रुग्णांना डिस्चार्ज देण्यात आला. तसेच 496 रुग्णांचा मृत्यू झाला आहे. देशातील सक्रिय रुग्णांचा आकडाही 3 लाख 44 हजार 899 वर पोहोचला आहे.