फॅबटेक पब्लिक स्कूल अँड ज्युनिअर कॉलेजमध्ये बारावीच्या गुणवंत विद्यार्थ्यांचा सत्कार संपन्न*स,
सांगोला :फॅबटेक एज्युकेशन सोसायटी पुणे संचलित, फॅबटेक पब्लिक स्कूल अँड ज्युनिअर कॉलेजमध्ये बारावीच्या गुणवंत विद्यार्थ्यांचा सत्कार सोहळा संपन्न झाला. एच.एस.सी बोर्ड परीक्षा २०२१ मध्ये कॉलेजचा निकाल १०० % लागला आहे. यावेळी सर्व गुणवत्ताप्राप्त विद्यार्थ्यांचा सत्कार व करिअर मार्गदर्शनाचे आयोजन करण्यात आले होते. या कार्यक्रमाची सुरुवात दीपप्रज्वलनाने व सरस्वती पूजनाने करण्यात आली. बारावीतील प्रथम क्रमांक कुमारी नांगरे अमृता सुरेश, द्वितीय क्रमांक घाडगे ऋतुजा सदाशिव व तृतीय क्रमांक जास्मिन बशीर पटेल या सर्व विद्यार्थिनींना सन्मानचिन्ह व गुणपत्रिका देऊन संस्थेचे चेअरमन व मॅनेजिंग डायरेक्टर मा.श्री. भाऊसाहेब रुपनर यांच्या हस्ते गौरविण्यात आले. यावेळी फॅबटेक पॉलिटेक्निकचे प्राचार्य प्रा. शरद पवार यांनी विद्यार्थ्यांना करिअरच्या विविध संधी व इंजीनियरिंग क्षेत्रातील माहिती सांगितली. फॅबटेक कॉलेज ऑफ फार्मसीचे प्राचार्य डॉ. संजय बैस यांनी फार्मसी विभागाची माहिती सांगून कोरोणाच्या काळातील औषध निर्मिती शास्त्राचे महत्त्व सांगितले.
त्याचप्रमाणे फॅबटेक कॉलेजचे अकॅडमिक डीन प्रा.टी एन जगताप यांनी विद्यार्थ्यांचे समुपदेशन केले. डॉक्टर कणसे सर यांनी विद्यार्थ्यांना विविध क्षेत्रातील करिअरचे मार्ग सांगितले. प्रा. पराग दौंडे व प्रा. संजय पवार यांनी फॅबटेक कॉलेजमधील आर्टिफिशियल इंटेलिजन्स डेटा सायन्स याची माहिती व वाढते तंत्रज्ञान याविषयीची माहिती दिली. संस्थेचे चेअरमन व मॅनेजिंग डायरेक्टर श्री भाऊसाहेब रुपनर यांनी कॉलेजमधील विविध शाखा व तंत्रज्ञानाकडे होणारी वाटचाल या विषयाची माहिती देऊन यशस्वी विद्यार्थ्यांना भावी वाटचालीसाठी शुभेच्छा दिल्या. ज्युनियर कॉलेजचे प्राचार्य श्री सिकंदर पाटील यांनी शिक्षणाचे महत्त्व व यशस्वी जीवनासाठीचा मार्ग याचे मार्गदर्शन केले. या कार्यक्रमाचे सूत्रसंचालन सौ. वनिता बाबर यांनी केले व आभार प्रदर्शन श्री. सुदर्शन भंडारे यांनी केले. कोरोनाचे सर्व नियम पाळून या कार्यक्रमासाठी विद्यार्थ्यांनी उपस्थिती दर्शवली. या कार्यक्रमासाठी प्राचार्य सिकंदर पाटील यांचे मार्गदर्शन लाभले तसेच शिक्षक व शिक्षकेत्तर कर्मचारी यांचेहि सहकार्य लाभले.
पंढरपूर- महाराष्ट्र राज्य शुश्रुषा व परावैद्यक शिक्षण मंडळाकडून घेण्यात आलेल्या उन्हाळी परीक्षा २०२६ चा जी.एन.…
पंढरपूर : एस.के.एन. सिंहगड कॉलेज ऑफ इंजिनिअरिंग, पंढरपूर येथे अंतिम वर्षातील सर्व शाखांच्या विद्यार्थ्यांसाठी आगामी…
कोर्टी, पंढरपूर येथील एस. के. एन. सिंहगड अभियांत्रिकी महाविद्यालयात दि. २९ ऑगस्ट २०२६ रोजी स्टेट…
माढा विधानसभा मतदारसंघाचे मा. आ. बबनदादा शिंदे यांच्या ७५ व्या अमृत महोत्सवी वाढदिवसानिमित्त संकल्प फाऊंडेशन,…
साहित्यरत्न लोकशाहीर अण्णाभाऊ साठे यांच्या जयंती निम्मित लोकआधार फाउंडेशन यांच्या वतीने व्याख्यानाचे आयोजन करण्यात आले.…
दोन वेगवेगळे सोहळे होणार एकाच छताखाली पंढरपूर- पंढरपूर व माळशिरस तसेच सांगोला व मंगळवेढा या…
