ओझेवाडी वि.का.सोसायटी सचिवास जातीवाचक संबोधन

ओझेवाडी येथील विविध कार्यकारी सोसायटीचे सचिव नवनाथ भिकाजी पाटोळे, वय -46 वर्ष , धंदा-नोकरी रा.पंढरपूर हे सोलापूर जिल्हा मध्यवर्ती बंक देखरेख संघ अंतर्गत सचिव पदावर नोकरीस असुन शेतीपिकाची पाहणी करून शेतीपुरक कामाकरीता ठरावाप्रमाणे कर्ज रक्काम संबंधीत कर्जदारांना वितरीत करणे, वसुली करणे तसेच लेखजोखा ठेवणे आदी कामे पाहतात.ओझेवाडी, ता.पंढरपूर गावातील शेतकरी शहाजी अण्णासाहेब नागणे याने त्याचे शेतातील ऊस शेती पिक कर्ज रक्कम मिळणेकरीता ओझेवाडी गावातील विविध कार्यकारी सोसयटीचे संचालक मंडळाकडे अर्ज करूनसुध्दा मला कर्ज मिळाले नाही अशी  तक्रार नमुद करून मा. सहा. निबंधक, सहकारी संस्था, पंढरपूर यांचेकडे तक्रारी अर्ज दिलेला होता.

त्याची सुनावणीची दुसरी सुनावणी तारीख दिनांक दि. 23/08/2021 रोजी होती.सदर सुणावणी कारवाई चालु असताना शहाजी नागाणे यांची बाजु ऐकुन घेवून त्याबबात संस्थेमार्फत अँड. श्री.जाधव हे म्हणणे सादर करत होते. असे काम चालु असताना सदरची सुनावणी अंतीम टप्प्यात आली असताना दुपारी 1.00वा.च्या सुमारास तक्रारी अर्जदार शहाजी अण्णासाहेब नागणे यानी फिर्यादीच्या जातीचा उल्लेख करत अपमानकारक जातीवाचक बोलून सर्व उपस्थित संचालक मंडळ व शासकीय अधिकारी यांचेसमक्ष पान उतारा केला आहे अशा आशयाची फिर्याद दाखल केली आहे.