पोहोरगाव येथे अवैध वाळू उपशावर पंढरपूर तालुका पोलिसांची कारवाई

पंढरपुर तालुक्यातील पोहरगाव येथील भीमा नदीच्या पात्रातून अवैध वाळू उपसा व वाहतूक केली जात असल्याचे समजताच पंढरपुर तालुका पोलीस ठाण्याच्या कर्मचाऱ्यानी केलेल्या कारवाईत डम्पिंग ट्रेलर व वाळूसह ट्रॅक्टर ताब्यात घेण्यात आला असून या प्रकरणी पंढरपूर तालुका पोलीस ठाण्यात 1) महेश दादाराव पाटील व 2) आकाश भारत गायकवाड दोघे रा. पोहोरगाव ,ता पंढरपुर यांच्या विरोधात भादवि 379, 34 सह गौण खनिज कायदा कलम 4(1)4(क)(1) व 21 प्रमाणे गुन्हा दाखल करण्यात आला आहे.

या बाबत पो.हे.कॉ.सतीश चंदनशिवे यांनी दाखल केलेल्या फिर्यादीनुसार पोहोरगाव ता पंढरपुर येथील भीमानदीचे पात्रातून काही इसम ट्रँक्टर मधुन चोरून वाळूची वाहतुक करित आहेत अशी बातमी मिळाल्याने पोलीस निरीक्षक किरण अवचर यांच्या मार्गदर्शनानुसार पो.हे.कॉ.सतीश चंदनशिवे, पोना/ 1608 माळी,पोना/ 1698 आटपाडकर हे खाजगी वाहनाने मौजे पोहोरगाव ता पंढरपुर येथे गेले असता पोहोरगाव ते आंबेपावठा जाणारे रोडवर करल वस्ती जवळ दोन ट्रँक्टर एकामागे एक येत असलेले दिसले पोलीस आल्याचे पाहताच त्यातील इसम पळुन गेले.सदर ट्रँक्टर जवळ जावून पाहणी केली असता सदर ट्रँक्टरच्या पाठीमागील डंपिंग ट्रँली मध्ये वाळू असल्याचे दिसले. तेथिल आजूबाजूच्या लोकांकडे सदर ट्रँक्टचे चालकाबाबत चौकशी केली असता त्यांची नावे 1) महेश दादाराव पाटील व 2) आकाश भारत गायकवाड दोघे रा. पोहोरगाव ता. पंढरपूर असे असल्याचे निष्पन्न झाले.

या प्रकरणी महिंद्रा अर्जुन कंपनीचालाल रंगाचा 605 S माँडेल असलेला त्याचा आरटीओ नंबर MH 13 AJ 9077 व अर्जुन अल्ट्रा1 कंपनीचा 605 DI माँडेल असलेला लाल रंगाचा त्याचा आरटीओ नंबर MH 45 S 1383 हे दोन ट्रॅक्टर ताब्यात घेतले आहेत.