तलवार हातात घेऊन वाहनांची तोडफोड करणाऱ्याला अटक

हातात तलावर घेऊन दहशत पसरवत वाहनांची तोडफोड करणाऱ्या भारती विद्यापीठ पोलिसांनी अटक केली आहे. नवनाथ विठठल घाडगे (वय 24, रा. आंबेगाव पठार) असे अटक केलेल्या आरोपीचे नाव आहे.

भारती विद्यापीठ पोलिसांच्या तपास पथकाचे अधिकारी नितीन शिंदे आणि कर्मचारी हद्दीत पेट्रोलिंग करीत होते. त्यावेळी चिंतामणी ज्ञानपीठ चौकात हातामध्ये तलवार घेवून एकजण फिरत असल्याची माहिती पोलीस अंमलदार हर्षल शिंदे, गणेश शेंडे व विक्रम सावंत यांना मिळाली. त्यानुसार पोलिसांनी सापळा रचून नवनाथ घाडगे याला ताब्यात घेतले. चौकशीत त्याने 26 जूनला आंबेगाव पठार येथे रस्त्यावरील दगड घेऊन चारचाकी गाडीच्या काचा फोडून गाडीचे नुकसान केल्याची कबुली दिली.

ही कामगिरी पोलीस उपायुक्त सागर पाटील, सहायक आयुक्त सुषमा चव्हाण, वरिष्ठ पोलीस निरीक्षक जगन्नाथ कळसकर, पोलीस निरीक्षक संगिता यादव, प्रकाश पासलकर यांचे मार्गदर्शनाखाली पोलीस उपनिरीक्षक नितीन शिंदे, अंमलदार रविन्द्र भोसले, रविंद्र चिप्पा, सर्फराज देशमुख, सचिन पवार, हर्षल शिंदे, गणेश शेंडे, राहूल तांबे, विक्रम सावंत, आशिष गायकवाड व सचिन गाडे यांनी केली.