सांगली : जत तालुक्यातील परागंदा अप्पर तहसीलदार हणमंत म्हेत्रेला अखेर बेड्या ठोकण्यात आल्या आहेत. सांगली लाच लुचपत प्रतिबंधक विभागाने म्हेत्रेला अटक केली. म्हेत्रेच्या सांगण्यावरुन लाच घेताना दोन दिवसांपूर्वी माडग्याळचे तलाठी विशाल उदगिरेला रंगेहाथ अटक करण्यात आली होती.
माती वाहतूक करणाऱ्या वाहनावर कारवाई टाळण्यासाठी 2 लाख 30 हजार रुपयांची लाच घेताना मंगळवारी रात्री लाच लुचपत विभागाने कारवाई केली होती. यामध्ये माडग्याळचे तलाठी विशाल उदगिरेला रंगेहाथ अटक करण्यात आली होती.मात्र संख येथील अपर तहसीलदार हणमंत म्हेत्रे त्यावेळी पसार झाले होते.
सापळा रचून म्हेत्रेला अटक
तासगाव मणेराजुरीत लाचलुचपत प्रतिबंधक विभागाने घराची झाडाझडती केली. यावेळी सापळा रचून म्हेत्रेला अटक करण्यात आली. कोर्टाने त्याची 2 दिवस पोलीस कोठडीत रवानगी केली आहे.
काय आहे प्रकरण?
तक्रारदार शेतात माती वाहतूक करत असताना वीस दिवसांपूर्वी अप्पर तहसीलदार हणमंत म्हेत्रे आणि तलाठी विशाल उदगिरे यांनी वाहनावर कारवाईच्या अनुषंगाने संख अप्पर तहसिलदार कार्यालयात वाहने लावली होती. या वाहनावर कारवाई टाळण्यासाठी आणि वाहने सोडण्यासाठी दोघांनीही तक्रारदारकडे दोन लाख 50 हजारांची मागणी केली होती. तक्रारदाराने 5 जून रोजी सांगली लाचलुचपत प्रतिबंधक विभागाकडे तक्रार केली होती.
संभाजी ब्रिगेडची प्रांताधिकारी पंढरपूर यांच्याकडे निवेदन देत मागणी स्वराज्यरक्षक छत्रपती संभाजी महाराज यांच्या जयंती…
महाराष्ट्र आरोग्य विज्ञान विद्यापीठ नाशिक यांच्या कडून घेण्यात आलेल्या बी.एस्सी नर्सिंगच्या हिवाळी २०२५ परीक्षेत कर्मयोगी…
पंढरपूर येथे आयोजीत पुरस्कार वितरण सोहळा या मान्यवरांच्या हस्ते हे पुरस्कार प्रदान करण्यात येणार आहेत.या…
सोलापूर जिल्ह्यातून विधान परिषदेसाठी राम सातपुते,बाळराजे पाटील यांचे नाव आघाडीवर परिचारक यांनी तिरंगी लढतीत दोन पराभव…
एस के एन सिंहगड कॉलेज ऑफ इंजिनिअरिंग, पंढरपुर येथील सिव्हिल इंजिनिअरिंग विभाग व सिव्हिल इंजिनिअरिंग…
श्री पांडुरंग प्रतिष्ठान संचलित कर्मयोगी इन्स्टिट्यूट ऑफ टेक्नॉलॉजी पंढरपूर येथे दिनांक ४ एप्रिल २०२६ रोजी…