अखेर सोलापूर जिल्ह्यातील ‘त्या’ शिक्षका विरोधात गुन्हा दाखल

शिक्षणाचा श्री गणेशा करताना गुरुब्रम्हा गुरुविष्णु म्हणून केली जाते.माता पित्याच्या बरोबरीने गुरुचे स्थान मानले जाते पण केवळ नोकरी करून बक्कळ पैसे मिळवायचे,कुठल्या तरी साखळी गुंतवणूक योजनेचे एजंट व्हायचे असले उद्योग करण्याबरोबरच बीभत्स वर्तन करणाऱ्या काही प्रवृत्तीही या पेशात शिरल्या असल्याचे राज्यात वेळोवेळी घडलेल्या घटनांमुळे स्पष्ट झाले आहे.त्यामुळे अशा घटनांचे वृत्त कानावर पडताच संतप्त प्रतिकिया व्यक्त होताना दिसून येतात.अशाच प्रतिक्रिया सध्या कोल्हापूर जिल्ह्यात घडलेल्या घटनेमुळे उमटू लागल्या असून लस घेण्यासाठी शाळॆत आलेल्या माजी विद्यार्थीनीशी अश्लील वर्तन केलेल्या मूळचा सोलापूर जिल्ह्यातील बसवनगर येथील असलेल्या विनोदकुमार चव्हाण याच्या विरोधात गुन्हा दाखल करण्यात आला आहे.

या बाबत मिळालेल्या माहितीनुसार सोलापूर जिल्ह्यातील बसवनगर येथील विनोदकुमार चव्हाण हा कोल्हापूर जिल्ह्यातील चंदगड तालुक्यातील पाटणे येथील शाळेत कार्यरत होता.२५ मे रोजी शाळेत सदर पीडित माजी विद्यार्थिनी आई वडील समवेत लसीकरणावेळी आली असता सदर शिक्षकाने तिच्याशी अश्लील वर्तन केले.या बाबत आई वडील सुरुवातीला बदनामीच्या भीतीने पोलिसात तक्रार देण्यास टाळाटाळ करत होते.मात्र बालविकास समितीने या बाबत पाठपुरावा केल्याने अखेर शाहूवाडी पोलीस ठाण्यात सदर शिक्षका विरोधात गुन्हा दाखल करण्यात आला आहे.