धक्कादायक! ‘तुझसे नाराज़ नहीं.’ गाणं म्हणत व्हिडीओ बनवून 16 वर्षीय मुलाने घेतला गळफास

गुजरातमधील वडोदरा येथे 16 वर्षीय मुलाने गळफास घेऊन आत्महत्या केली. आत्महत्येपूर्वी त्याने ‘तुझसे नाराज़ नहीं जिंदगी हैरान हूं मैं’ गाणं म्हणत एक व्हिडीओ बनवला होता. आत्महत्येचे कारण अद्याप अस्पष्ट असून पोलीस अधिक तपास करत आहेत.

मिळालेल्या माहितीनुसार, ही घटना वडोदरा येथील सनफार्म रोड परिसरात घडली आहे. आत्महत्या केलेल्या मुलाचे आई-वडिल मजूरी करतात. घटनेच्या दिवशी देखील ते कामासाठी बाहेर गेले होते. कामावरून घरी परतल्यावर त्यांना मुलाचा मृतदेह लटकत्या अवस्थेत आढळला. मृत मुलगा ज्वेलर्सच्या दुकानात काम करत असे.

घटनेची माहिती मिळताच पोलिसांनी घटनास्थळी धाव घेऊन पाहणी केली.

मृत मुलाचा मोबाईल तपासला असता आत्महत्येपूर्वी त्याने गाणं म्हणल्याचा एक व्हिडीओ तयार केला होता. मृताचा मोबाईल आणि इतर साहित्य तपासासाठी पाठवले असून त्याने आत्महत्या का केली याचा तपास पोलीस करत आहेत.