माण तालुक्यातील दहिवडी येथील वनविभाग कर्मचाऱ्यांस केलेल्या कामाचे चेक ठेकेदारांस काढून देण्यापोटी लाच घेताना सापळा रचून अटक करण्यात आली आहे. वन विभागातील वनपाल सूर्यकांत यादवराव पोळ (वय ५७) असे लाच स्विकारणाऱ्या कर्मचाऱ्यांचे नाव आहे.याबाबत मिळालेली माहिती अशी, सूर्यकांत यादवराव पोळ (वय ५७) याच्यावर लाचलुचपत प्रतिबंधक विभागाने (एसीबी) सापळा रचून अटक केली.
तक्रारदार यांच्याकडून १० हजारांची लाच घेताना दहिवडी येथील वनपाल कार्यालयाजवळ पकडण्यात आले. दरम्यान, स्वीकारलेली लाचेची रक्कम मात्र मिळून आली नसल्याची माहिती एसीबीचे पोलिस उपअधीक्षक अशोक शिर्के यांनी दिली.
वनपरिक्षेत्र अधिकारी, दहीवडी वन विभाग (ता. माण, जि. सातारा) येथील कर्मचारी सूर्यकांत पोळ याने शिंदी खुर्द येथील माती बंधान्याच्या कामाच्या बिलाचा चेक काढण्यासाठी पोट ठेकेदार यांच्याकडे दहा हजार रुपयांची मागणी केली. तक्रारदार यांनी लाचलुचपत प्रतिबंधक विभाग सातारा येथे तक्रार दिली. त्यानुसार २ जून रोजी एसीबीने सापळा लावला. संशयित आरोपीने तक्रारदार यांचेकडे लाचेची मागणी करून ती स्वीकारुन पुरावा नष्ट करण्याचे उद्देशाने ती लाच रक्कम अज्ञातस्थळी फेकून दिली. एसीबीने ताब्यात घेतल्यानंतर त्याच्याकडे पैसे सापडले नाहीत. पोलिस उपअधीक्षक अशोक शिर्के यांच्या मार्गदर्शनाखाली ही कारवाई करण्यात आली आहे.
प्लेसमेंटच्या दृष्टीने विद्यार्थ्यांच्या तांत्रिक कौशल्यविकासासाठी ट्रेनिंग अँड प्लेसमेंट सेलचा पुढाकार सिंहगड कॉलेज ऑफ इंजिनिअरिंग, पंढरपूर…
शैक्षणिक संस्थांचा पाठिंबा; प्रचाराच्या अंतिम टप्प्यात पदाधिकारी आणि कार्यकर्त्यांचा उत्साह शिगेला सातारा : पुणे विभाग…
NEP २०२०च्या नावाखाली प्राध्यापकांची पदे कमी होऊ देणार नाही; आश्रमशाळांच्या सुधारणांसाठी कटिबद्ध! पुणे : राष्ट्रीय…
गृहभेटी, दूरध्वनी संपर्क आणि वैयक्तिक संवादातून शिक्षक मतदारांपर्यंत पोहोचण्यावर भर सातारा : पुणे विभाग…
ज्ञानयात्री डॉ. रोंगे सर विजयी होणार सांगोला– राज्यातील शिक्षक मतदार संघाची निवडणूक अवघ्या काही दिवसांवर…
ज्ञानयात्री डॉ. रोंगे सर १०० टक्के विजयी होणार मिरज – राज्यातील शिक्षक मतदार संघाची निवडणूक…